«Ցանկանում եմ զբոսնել Բաքվի կենտրոնում». Լևոն Արոնյան
Հայ շախմատիստները ժամանել են Բաքու` մասնակցելու շախմատի Աշխարհի գավաթին:
Բաքու է ժամանաել նաև Հայաստանի ուժեղագույն շախմատիստ Լևոն Արոնյանը, ով գավաթի մամլո ծառայության հետ զրույցում կիսվել է մրցաշարից իր սպասումներով:
«Ցանկանում եմ Բաքվի Աշխարհի գավաթում հանդես գալ ինչքան հնարավոր է լավ: Մեզ սպասվում է շատ ուժեղ մրցաշար, որում մասնակցում են մոլորակի ուժեղագույն շախմատիստները: Աշխարհի գավաթում իմ գլխավոր մրցակիցների թվում եմ տեսնում նաև ադրբեջանցի շախմատիստներ Թեյմուրազ Ռաջաբովին և Շախրիար Մամեդիարովին:
Իմ ընկերները շատ լավ բաներ են պատմել Ադրբեջանի մայրաքաղաքի մասին և եթե ժամանակ լինի, կաշխատեմ դուրս գալ քաղաքի կենտրոն և զբոսնել: Ի դեպ, իմ մարզիչների շարքում կան այնպիսիները, որոնք Բաքվից են դուրս եկել»,- ասել է Լևոն Արոնյանը:
Պատրաստեց Անի Գաբուզյանը
