Ռուսաստանում հիվանդը մահացել է մարմնում մոռացած բժշկական գործիքի պատճառով
Սանկտ Պետերբուրգի Սուրբ Ելիզավետայի անվան հիվանդանոցում հիվանդը մահացել է բժիշկների անփությության պատճառով մարմնում մոռացած բժշկական գործիքի պատճառով, հայտնում է «Նորությունների ռուսական ծառայությունը»՝ հղում կատարելով քաղաքային ոստիկանությանը:
«Հետաքննության տվյալով՝ վիրաբույժ Իրինա Ցիբուլսկայան 2014թ. փետրվարի 12-ին անփույթ է գտնվել Բելառուսի քաղաքացուն շտապ վիրահատական միջամտություն ցուցաբերելիս: Վիրահատական միջամտության արդյունքում բժիշկը հիվանդի որովայնում թողել է բժշկական գործիք՝ Միկուլիչի սեղմակ»,- հայտնել են գերատեսչությունում:
Տղամարդու ինքնազգացողությունը կտրուկ վատացել էր այն բանից հետո, երբ նա դուրս էր գրվել հիվանդանոցից: Նրան շտապ հոսպիտալացրել էին ու վիրահատել՝ հեռացնելով գործիքը, սակայն վերջինս մահացել էր մայիսի 29-ին:
