Բացառիկ տեսանյութ. Գերման Ստերլիգովը՝ Շուշիում

Ռուսական РЕН ТВ հեռուստաալիքին հաջողվել է գտնել ու նկարահանել Ռուսաստանից հեռացած հայտնի գործարար Գերման Ստերլիգովին, ով ներկայում գտնվում է Շուշիում:

«Անձամբ Ստերլիգովը Լեռնային Ղարաբաղում գաղտնի է ապրում: Գրեթե ոչ ոքի հետ չի շփվում: Մեկը մյուսի հետևից փոխում է հյուրանոցները: Վերջին հյուրանոցներից մեկը, որտեղ նա ապրել է, «Ավան Շուշի Պլազան» է»,-հայտնում է հեռուստաալիքը:
«Այո, նրանք ամբողջ ընտանիքով այստեղ էին ապրում: Գնացել են բոլորովին վերջերս՝ հուլիսի 2-ին»,-հայտնել են հյուրանոցից:

Հիշեցնենք, որ ռուս գործարար, քաղաքական ու հասարակական գործիչ, «Ալիսա» բորսայի հիմնադիր, Ռուսաստանում առաջին մուլտիմիլիոնատերերից մեկը՝ Գերման Ստերլիգովը, օրերս հեռացել է Ռուսաստանից ու բնակության նպատակով տեղափոխվել Լեռնային Ղարաբաղ:

Երեկ գործարարը «ՎԿոնտակտե» սոցցանցի իր էջում հայտարարել է, որ երկուշաբթի օրը ասուլիս է հրավիրելու Շուշիում:

Տեսանյութը՝ այստեղ