Ինքնահրկիզում Ճապոնիայի արագընթաց գնացքում. կա 2 զոհ
Տոկիոյից Օսակա ուղևորվող արագընթաց գնացքի ուղևորներից մեկն ինքնահրկիզվել է ու ստացած այրվածքներից մահացել: Մահացել է նաև կրակից տուժած ևս մեկ ուղևոր, հայտնում է BBC-ի ռուսական ծառայությունը:
Նվազագույնը 6 մարդ հոսպիտալացվել է:
Երկաթուղային ընկերության ներկայացուցիչը պատմել է BBC-ին, որ գնացքի վագոնում ուղևորներից մեկն իր վրա դյուրավառ հեղուկ է լցրել ու ինքնահրկիզվել: Դրա հետևանքով վագոնում հրդեհ է բռնկվել ու ուժեղ ծուխ է լցվել:
Իշխանությունները կարծում են, որ չարագործը ցանկացել է այդկերպ ինքնասպան լինել՝ իրեն հրդեհելով զուգարանում: Ծխահարումից մահացած ուղևորուհին հայտնաբերվել է վագոնի հակառակ մասում:
Տուժածներից ոմանք ծանր վիճակում են ծխահարման հետևանքով:
Ոստիկանությունը հետաքննում է տվյալ փաստը: Տեղի ունեցածը իսկական շոկ է առաջացրել ճապոնացիների շրջանում:
