Հարյուրավոր բուդդիստներ բողոքի ցույց են կազմակերպել դալայ-լամայի դեմ
Անգլիական Օլդերշոտ քաղաքի Դորջե Շուգդեն բուդդայական աստվածության մի քանի հարյուր հետևորդ երեկ բողոքի ցույց են կազմակերպել տիբեթյան բուդդիստների հոգևոր առաջնորդ դալայ-լամայի այցի դեմ:
Նրանք դիմավորել են դալայ-լամային Մեծ Բրիտանիայում առաջին բուդդայական կենտրոնի բացմանը «Բավական է ստել» կարգախոսներով, հայտնում է DW-ի ռուսական ծառայությունը::
Ցուցարարները հոգևոր առաջնորդին մեղադրել են կրոնական հետապնդման մեջ: Դալայ-լամայի կողմնակիցները խանգարել են ցուցարարներին:
Դորջե Շուգդեն բուդդայական աստվածության երկրպագուները, ինչպես և դալայ-լաման, բուդդիստներ են, սակայն նրանք վերջինիս մեղադրում են կրոնական ազատության սահմանափակումների մեջ, քանի որ դալայ-լաման արգելել է այդ աստվածության երկրպագությունը: Կողմերի միջև կոնֆլիկտը տևում է արդեն մի քանի տարի: 
