Ըստ ակտիվիստների՝ Ոստիկանությունը ագրեսիվ է տրամադրված
Բաղրամյան պողոտայում մի քանի ակտիվիստներ բարձրացել են «Սանիտեկ» ընկերության աղբատար մեքենայի վրա: Փոխոստիկանապետ Վալերի Օսիպյանը մոտեցավ նրանց՝ զգուշացնելով, որ այլևս որևէ մեքենա չբերեն Բաղրամյան պողոտա: «Ո՞վ է պատասխանատու, եթե որևէ մեկին մի բան պատահի», -ասաց նա՝ արգելելով որևէ մեկն աղբահանության համար մեքենա բերել Բաղրամյան պողոտա: Օսիպյանը հորդորեց ակտիվիստներին ինքնուրույն հավաքել աղբը:
Ակտիվիստներն էլ ասացին, որ իրենք հանկարծակիի են եկել՝ տեսնելով, որ «Սանիտեկը» հավաքի ժամանակ մեքենա է բերել պողոտա: Նաև նշեցին, որ իրենք պայմանավորվածություն ունեն «Սանիտեկի» հետ՝ գալուց առաջ զանգահարել:
Ըստ ակտիվիստների՝ Ոստիկանությունը ագրեսիվ է տրամադրված:
