Պատգամավորները, մտավորականները և շոու բիզնեսի ներկայացուցիչները հասան Բաղրամյան պողոտա
Քիչ առաջ Բաղրամյան պողոտա հասան պատգամավորները, մտավորականները և շոու բիզնեսի ներկայացուցիչները, որոնք մարդկային պատնեշ են կանգնել ոստիկանների և մարդկանց միջև՝ բախումներ չլինելու նպատակով: ԱԺ պատգամավոր Նիկոլ Փաշինյանը հայտարարեց, որ իրենք՝ ԱԺ նախկին և ներկա պատգամավորներ, լրագրողներ, հոգևորականներ, շոու-բիզնեսի ներկայացուցիչներ, խնդրում են գալ այստեղ, որ բացառեն նոր բռնությունը. «Մեր կենդանի պատը պետք է մնա այստեղ, քանի դեռ կա որևէ բռնության վտանգ՝ այսինքն՝ ամբողջ գիշեր: Բոլոր այս կատեգորիայի մարդկանց կոչ ենք անում գալ և միանալ այս պատին, որպեսզի բացառենք բռնությունը»:
