Valentino-ն ներկայացրել է իր կրուիզային նոր հավաքածուն
Հերթական նորաձևության տունը, որը ներկայացրել է իր տեսլականը, թե ինչ տեսք պետք է ունենան աղջիկները հաջորդ գարնանը, դարձավ Valentino-ն:
Պիեռպաոլո Պիչչոլին ու Մարիա Գրացիա Կյուրին ոճային էքսպերիմենտների չեն դիմել ու դուրս չեն եկել հարմարավետության գոտուց, միայն կանացի ֆիրմայի մոդելներին նոր թարմ հնչողություն են տվել, գրում է Elle-ը:
Նրանք որոշեցին այդ անգամ հավաքածուն ձոնել նորաձևության աշխարհի լեգենդ Դիանա Վրիլանդին:
Դիզայներական դուետի գլխավոր նպատակն էր այն մտքի տարածումը, որ կյանքում առաջնայինը ոգու ազատությունն է: Այդ գաղափարն իր արտացոլումն էր գտել էթնիկ նախշերում ու թեթև կտորներում, զգեստների վրայի թռչունների ու թիթեռների պատկերներում:
Դիզայներների համար ոգեշնչման ևս մեկ աղբյուր է ծառայել 70-ականների ոճը ու, այսպես կոչված, «փառատոնային» նորաձևությունը՝ լեգենդար Glastonbury ու Coachella երաժշտական փառատոների ոճով զգեստները:
Դեկորատիվ հագեցվածությունն ու մոդելների դետալների առատությունը դիզայներներին թելադրել են սիլուետների պարզություն, ինչի հետևանքով հավաքածուն ներդաշնակ է ստացվել:
