Apple Watch-ի նոր «խելացի» ժամացույցները կունենան տեսախցիկ
Apple-ը աշխատանքներ է կատարում իր երկրորդ սերնդի ինտերակտիվ «խելացի» Apple Watch 2 ժամացույցների վրա, հայտնում են ամերիկյան ԶԼՄ-ները:
«Բազմաթիվ աղբյուներ հայտնում են, որ Apple-ը պլանավորում է ժամացույցների նոր սերնդի վրա տեղադրել տեսախցիկ: Բացի այդ՝ ժամացույցները կստանան նաև կապի նոր ու արդիականացված համակարգ iPhone-ի հետ:
Կավելանա նաև մարտկոցների հզորությունը, ինչը կավելացնի դրա աշխատանքի շարունակականությունը»,-հայտնել է CNBC-ը:
Apple Watch 2-ը կունենա նաև մի շարք նոր գործառույթ, ինչը կմեծացնի ժամացույցների ինքնուրույնությունը:
Միաժամանակ, հայտնի է դարձել, որ Apple-ը կընդլայնի լյուքս դասի ժամացույցների թիվը: Նշվում է, որ երկրորդ սերնդի Apple Watch-ը խանութներում կայտնվի 2016-ին:
