Շվեյցարիան հայտնել է ՖԻՖԱ-ի հաշվեհամարներում կասկածելի ակտիվության մասին
Շվեյցարիայի գլխավոր դատախազը տեղեկացրել է ՖԻՖԱ-ին պատկանող բանկային հաշվեհամարների կասկածելի ակտիվության մասին, հայտնում է BBC-ի ռուսական ծառայությունը:
ՖԻՖԱ-ն իր համակարգչային համակարգերի տվյալները փոխանցել էր շվեյցարական իշխանություններին, որոնք հետաքննում են Ռուսաստանին ու Կատարին 2018 ու 2022 թվականների ֆուտբոլի աշխարհի առաջնությունների իրավունքի տրամադրման հանգամանքները:
Տեղեկությունը առգրավվել էր Ցյուրիխում Ֆուտբոլային ասոցիացիաների միջազգային միության կենտրոնակայանից, այդ թվում՝ այն շինություններից, որտեղ աշխատում է կազմակերպության նախագահ Զեպ Բլատերը:
ՖԻՖԱ-ն պնդում է, որ ինքը ամբողջությամբ համագործակցում է հետաքննության հետ:
