«ՊՍԺ»-ն ցանկություն չունի վաճառել Իբրահիմովիչին
Զլատան Իբրահիմովիչը հնարավորություն ունի վերադառնալու «Միլան», սակայն փարիզեցիները չեն ցանկանում զրկվել այդպիսի մակարդակի ֆուտբոլիստից:
Չնայած «Միլանի» ակնհայտ հետաքրքրությանն Իբրահիմովիչի նկատմամբ, «ՊՍԺ»-ի ղեկավարությունը տրամադրված է պահպանել շվեդ հարձակվողին:
«Ոչ մի պրոբլեմ չկա Զլատանի հետ հարաբերություններում: Նա ցանկանում է մնալ մեր թիմում, և մենք նույնպես ուզում ենք նրան տեսնել «ՊՍԺ»-ում»,- ասել է փարիզյան ակումբի նախագահ Նասր Ալ Խելաիֆին:
Իտալական մամուլը տեղեկացրել է, որ «Միլանը» ցանկացել է երկամյա պայմանագիր առաջարկել Իբրահիմովիչին: Ֆուտբոլիստը «Միլանի» կազմում խաղացել է 2010-2012 թթ.:
Պատրաստեց Անի Գաբուզյանը
