Դորտմունդի «Բորուսիան» ձեռք է բերել «Ֆրայբուրգի» դարպասապահին
Դարպասապահ Ռոման Բյուրկին հաջորդ մրցաշրջանը կսկսի «Սիգնալ Իդունա Պարկում»: Այս մասին հաղորդում է Դորտմունդյան ակումբի պաշտոնական կայքը:
24-ամյա դարպասապահի հետ անձնական պայմանագրի ժամկետը դեռևս գաղտնի է պահվում: Չեն հրապարակվում նաև «Ֆրայբուրգի» հետ գործարքի ֆինանսական պայմանները, չնայած լրատվամիջոցներն ավելի վաղ գրել էին այն մասին, որ պայմանագրի արժեքը կազմելու է 4.5 մլն եվրո:
Անցած մրցաշրջանում շվեյցարացին «Ֆրայբուրգի» կազմում խաղացել է 33 խաղ:
Պատրաստեց Անի Գաբուզյանը
