«Բարսելոնայի» նախագահի ընտրությունները տեղի կունենան հուլիսի 18-ին
Ակնկալվում է, որ կապտանռնագույնների գործող ղեկավար Խոսե Մարիա Բարտոմեուն չորեքշաբթի օրը պաշտոնապես կառաջադրի իր թեկնածությունը:
Հուլիսի 18-ին կայանալիք ընտրությունների մասին «Բարսելոնան» հայտարարել էր Twitter-ում:
Ինչպես հաղորդում է Football Espana-ն, ակնհայտ ֆավորիտ է համարվում ներկայիս նախագահ Խոսե Մարիա Բարտոմեուն: Սպասվում է, որ իր թեկնածությունը կառաջադրի նաև Ժոան Լապորտան, ով գլխավորել է «Բարսելոնան» 2003-2010թթ.:
Բարտոմեուն ղեկավարում է «Բարսելոնան» 2014 թ. հունվարից: Նա փոխարինել էր կոռուպցիայի մեջ մեղադրվող Սանդրո Ռոսելին:
Ներկայիս նախագահը պլանավորում է վերընտրվել, չնայած՝ նրան սպառնում է ազատազրկում` ֆինանսական խաբեբայությունների համար:
Պատրաստեց Անի Գաբուզյանը
