Երևանը՝ կաթի արտադրության աճի առաջատար
Այս տարվա ապրիլին Հայաստանում արտադրվել է 87 հազար տոննա կաթ։ Ինչպես տեղեկանում ենք Ազգային վիճակագրական ծառայության զեկույցից՝ 2014թ. ապրիլի համեմատ կաթի արտադրության ծավալն աճել է 6%-ով։
Կաթի արտադրության մեծ մասը՝ 17.2 հազար տոննան, բաժին է ընկնում Գեղարքունիքի մարզին։ Երկրորդ տեղում Շիրակի մարզն է՝ 12.9 հազար տոննա, երրորդում՝ Լոռու մարզը՝ 10.3 հազար տոննա։
Երևանում ապրլին արտադրվել է 300 տոննա կաթ։ Ծավալը չնչին է, փոխարենը՝ նախորդ տարվա համեմատ Երևանում կաթի արտադրության ծավալը աճել է 66.7%-ով։
