Յայա Տուրե. «Ես մնում եմ «Մանչեսթեր Սիթիում»»
Իվուարցի կիսապաշտպանը հույս ունի, որ կկարողանա օգնել իր թիմին մյուս մրցաշրջանում առաջատար դիրքեր զբաղեցնելու համար:
Այս պահի դրությամբ 32-ամյա Տուրեի պայմանագրի ժամկետն ավարտվում է 2017 թվականին:
«Բնականաբար, ես մնում եմ: Երկրպագուները կարող են չանհանգստանալ: Այս տարի իմ նպատակն է՝ ամեն ինչ անել, որ ակումբն ավելի լավ խաղա: Ես վստահում եմ իմ փորձին և հուսով եմ, որ նոր խաղացողների հետ կկարողանանք նպաստել թիմի լավ խաղին:
Ինձ համար ակումբը միշտ առաջին հորիզոնականում է: Մարդիկ, ովքեր շրջապատում են ինձ, իմ ընկերները, երկրպագուները, երգում են իմ անունը տրիբունաներում: Այդպիսի բան փողով չես գնի»,- Տուրեի խոսքերը հաղորդում է Manchester Evening News-ը:
Պատրաստեց Անի Գաբուզյանը
