Լուրջ ահազանգ տնտեսության համար
Այս տարվա առաջին եռամսյակում Հայաստանի տնտեսության մեջ կատարված օտարերկրյա ուղղակի ներդրումների զուտ հոսքերի ծավալը կազմել է շուրջ 35.3 մլրդ դրամ կամ շուրջ 74.1 միլիոն դոլար։ Ինչպես տեղեկացնում է ՀՀ Ազգային վիճակագրական ծառայությունը, 2014 թվականի հունվար-մարտին այդ ցուցանիշը կազմել էր 69.6 միլիարդ դրամ։ Փաստորեն, մեկ տարվա կտրվածքով՝ ՀՀ տնտեսության մեջ կատարված ուղղակի ներդրումների զուտ հոսքը կրճատվել է 34.3 մլրդ դրամով կամ 49.3%-ով։
Օտարկրյա ուղղակի ներդրումների կիսով չափ կրճատումը բավականին լուրջ ահազանգ է և ավելի է խորացնում կասկածները, որ այս տարի ՀՀ տնտեսությանը կհաջողվի նախատեսված 4.1%-ին մոտ տնտեսական աճ ունենալ։
Նշենք նաև, որ ներդրումներին վերաբերող համեմատական այս տվյալները ԱՎԾ-ն այս տարի առաջին անգամ է հրապարակում։ Նախորդ հրապարակումներում վիճակագիրները նշում էին, որ կատարվել է ներդրումների հաշվարկի մեթոդաբանության փոփոխություն, ինչը անհնար էր դարձնում նախորդ տարիների հետ համեմատականներ անցկացնելը։
Ամբողջական հրապարակումը կարող եք կարդալ 168 Ժամ թերթի այսօրվա համարում
