Գերմանիան պարզաբանում է պահանջել Ռուսաստանից` իր քաղաքացիներին «սև ցուցակում» ընդգրկելու համար
Ռուսական ТАСС լրատվական գործակալության փոխանցմամբ` Գերմանիայի իշխանությունները Ռուսաստանից պարզաբանում են պահանջել` կապված երկրի ութ քաղաքացու «սև ցուցակի» մեջ ընդգրկելու հետ: Այս մասին նշված է Գերմանիայի ԱԳՆ-ի տարածած հայտարարությունում:
Դրանում նշված է, որ Բեռլինը թափանցիկություն է պահանջում այդ հարցում, և մասնավորապես Գերմանիայի իշխանությունները պահանջում են պարզաբանել, թե ինչու է Ռուսաստան մուտք գործելն արգելվել գերմանացի մի շարք քաղաքական գործիչների համար:
Ավելի վաղ հաղորդվել էր, որ Մոսկկվան նամակներ է հղել եվրոպական դեսանատներին, որոնցում ներկայացրել է իր «սև ցուցակում» ընդգրկված եվրոպացի քաղաքական գործիչների անունները` 89 մարդ:
