Ռուսաստանը ողջունում է միջազգային հարցերում Ադրբեջանի վարած անկախ կուրսը. Կարասին
Ադրբեջանական APA լրատվական գործակալության փոխանցմամբ՝ Ռուսաստանում գտնվող Ադրբեջանի դեսպանատանը մայիսի 28-ին՝ Հանրապետության օրվա կապակցությամբ կազմակերպվել է տոնական միջոցառում:
Դրան մասնակցել են Մոսկվայում օտար երկրների դեսպաններ, Ռուսաստանի փոխարտգործնախարար Գրիգորի Կարասինը, Ռուսաստանի Դաշնության խորհրդի փոխնախագահ Իլյաս Ումահանովը, Պետդումայի պատգամավորներ և այլք:
Իր ելույթում Կարասինը բարձր է գնահատել Ռուսաստանի ու Ադրբեջանի հարաբերությունների մակարդակը. «Ռուսաստանը ողջունում է միջազգային հարցերում Ադրբեջանի վարած անկախ կուրսը»:
