Պուտինի «հրաշք տանկը» պատճենել են երեսնամյա վաղեմության գերմանական նախատիպից. Die Welt
Die Welt-ի մեկնաբան Գերհարդ Հեգմանը պնդում է, որ ռուսական «Արմատա» բարձրտեխնոլոգիական տանկը ոչ թե ռուսական բնօրինակ տանկ է, այլ՝ ընդամենը 1980-ական թվականներին կատարված գերմանական մշակումների պատճեն:
Նրա խոսքերով՝ տանկի հայեցակարգը «Սառը պատերազմի» տարիներին հնարվել և փորձարկվել է Գերմանիայում, սակայն դրա իրագործումից որոշել են հրաժարվել ԽՍՀՄ-ի փլուզումից հետո՝ միամիտ հուսալով, որ արևելքից եկող սպառնալիքն արդեն վերացել է:
Հեգմանը հիշեցրել է, որ «Արմատա» տանկը ցուցադրվել է մայիսի 9-ին Մոսկվայում անցկացված Հաղթանակի զորահանդեսի ժամանակ: Արևմտյան փորձագետների խոսքերով՝ ռուսական տանկի հայեցակարգը ոչ միայն 30 տարի առաջ մշակվել է Արևմուտքում, այլև՝ մասնակիորեն փորձարկվել է Գերմանիայում:
