ԱՄՆ-ը հավատարիմ է մնում Ղարաբաղյան հակամարտության խաղաղ կարգավորմանը. Ջոն Քերի
Ադրբեջանական Trend լրատվական գործակալության փոխանցմամբ՝ ԱՄՆ պետքարտուղար Ջոն Քերին հայտարարել է, որ ԱՄՆ-ը լրջորեն աջակցում է «Հարավային գազային միջանցքի» օգնությամբ Եվրոպայի էներգոռեսուրսների մատակարարման դիվերսիֆիկացումն ապահովելու հարցում Ադրբեջանի դերակատարությանը:
Այս մասին նշված է ԱՄՆ պետդեպարտամենտի կայքում: Քերին Ադրբեջանի ժողովրդին շնորհավորել է Հանրապետության օրվա (մայիսի 28) կապակցությամբ:
Քերին կարևորել է նաև Վաշինգտոնի ու Բաքվի գործընկերությունն ահաբեկչության դեմ պայքարի հարցում, ինչպես նաև Աֆղանստանում ՆԱՏՕ-ի առաքելությունում Ադրբեջանի ունեցած ներդրումը:
Քերին հայտարարել է, որ ԱՄՆ-ը հավատարիմ է մնում Ղարաբաղյան հակամարտության խաղաղ կարգավորմանը:
