«Մանչեսթեր Յունայթեդը» Ֆալկաոյին վերադարձրեց «Մոնակո»
Անգլիական ակումբը որոշել է չգնել կոլումբիացի հարձակվողին, ով թիմի կազմում խաղաց ութ ամիս:
«Ֆալկաոն մեծ պրոֆեսիոնալ է և լավ մարդ: Ակումբի և անձամբ իմ անունից ցանկանում եմ մաղթել նրան հաջողություն»,- ասել է «Կարմիր սատանաների» գլխավոր մարզիչ Լուի վան Գալը:
Սակայն, ինչպես հայտնում է The Telegraph-ը, կոլումբիացին ցանկանում է մնալ Անգլիայի Պրեմիեր լիգայում:
Կոլումբիայի ազգային հավաքականի ֆուտբոլիստը ցանկանում է կարիերան շարունակել «Չելսիում»: Դրա համար նա նույնիսկ պատրաստ է գնալ աշխատավարձի զգալի կրճատման, որը հիմա կազմում է շաբաթական 265 հազար ֆունտ ստեռլինգ:
Պատրաստեց Անի Գաբուզյանը
