Բելառուսը Ռիգայի գագաթաժողովին մասնակցելու է արտգործնախարարի մակարդակով
Ռուսական РИА Новости լրատվական գործակալության փոխանցմամբ՝ Բելառուսը Ռիգայում անցկացվելիք «Արևելյան գործընկերության» գագաթաժողովին մասնակցելու է արտգործնախարար Վլադիմիր Մակեյի մակարդակով: Այս մասին հայտարարել է Բելառուսի ԱԳՆ-ի պաշտոնական ներկայացուցիչ Դմիտրի Միրոնչիկը.
«Պետության ղեկավարի որոշման համաձայն՝ Ռիգայում «Արևելյան գործընկերության» գագաթաժողովում Բելառուսը ներկայացնելու է արտգործնախարար Վլադիմիր Մակեյը»: Ռիգայի գագաթաժողովն անցկացվելու է մայիսի 21-22-ին:
Սրանից առաջ հաղորդվել էր, որ Եվրոպական հանձնաժողովը հավանության է արժանացրել ԵՏՄ անդամներ Հայաստանի ու Բելառուսի հետ համագործակցության ընդլայնումը:
