Ռուսաստանը ԵՄ-ին խնդրել է Ուկրաինայի հետ ազատ առևտրի գոտու գործարկումը հետաձգել մինչև 2017 թվականը
EUobserver պարբերականի փոխանցմամբ՝ ԵՄ-ում Ռուսաստանի դեսպան Վլադիմիր Չիժովը երեկ Բրյուսելում հայտարարել է, որ դիմել է ԵՄ-ին՝ խնդրելով Ուկրաինայի հետ ստորագրված Ասոցացման համաձանագրի առևտրային հատվածի ուժի մեջ մտնելը հետաձգել մինչև 2017 թվականը:
Չիժովի խոսքերով՝ այդ հարցը փորձագետների մակարդակով քննարկվել է ապրիլին: Դեսպանը մանրամասնել է, որ Ռուսաստանը կողմ է, որ համաձայնագիրն ուժի մեջ մտնելու ընթացիկ հետաձգումը երկարաձգվի ևս մեկ տարով:
Ինչպես հայտնի է, Ռուսաստանը 2014 թվականի սեպտեմբերին հասավ նրան, որ ազատ առևտրի գոտու մասի գործարկումը հետաձգվի մինչև 2016 թվականի հունվարի 1-ը:
Այդ ժամանակահատվածում Ուկրաինայի համար գործում են ԵՄ-ի միակողմանի առևտրային արտոնությունները (ուկրաինական ապրանքները ԵՄ արտահանվում են առանց մաքսատուրքի, իսկ ներկրումն իրականացվում է մաքսատուրքերով):
