Թուրքիան, Վրաստանն ու Ադրբեջանն Անկարայում քննարկում են եռակողմ ձևաչափով ռազմական համագործակցության հարցը
Ադրբեջանական APA լրատվական գործակալության փոխանցմամբ՝ այսօր Անկարայում տեղի է ունենում Ադրբեջանի պաշտպանության նախարար, գեներալ-գնդապետ Զաքիր Հասանովի, Թուրքիայի զինված ուժերի գլխավոր շտաբի պետ, բանակի գեներալ Նեջդեթ Օզելի ու Վրաստանի զինված ուժերի գլխավոր շտաբի պետ, գեներալ-մայոր Վախթանգ Կապանաձեի եռակողմ հանդիպումը:
Այս մասին նշված է Թուրքիայի զինված ուժերի գլխավոր շտաբի կայքում: Հանդիպման ժամանակ կողմերը քննարկելու են եռակողմ ձևաչափով ռազմական համագործակցության հարցերը, տարածաշրջանային կայունության ու անվտանգության հարցը:
Բացի այդ, հստակեցվելու են երկաթուղիների, էներգակիրների մատակարարման և տարածաշրջանային այլ նախագծերի անվտանգության ապահովումը, ինչպես նաև այդ առաջադրանքների գործնական իրագործման մեխանիզմները: Հանդիպման արդյունքներոց պլանավորված է արձանագրության ստորագրում:
