Իտալիան Ուկրաինային կոչ է արել ինքնավարություն շնորհել Դոնբասին
La Stampa-ին տված հարցազրույցի ժամանակ Իտալիայի ատգործնախարար Պաոլո Ջենտիլոնին հայտարարել է, որ Իտալիան աջակցում է Կիևին, սակայն Ուկրաինայի իշխանությունները պետք է ձեռնարկեն անհրաժեշտ տնտեսական ու սահմանադրական բարեփոխումներ՝ ներառյալ Դոնբասի ինքնավարության տրամադրումը:
Ջենտիլոնին տվյալ թեման բարձրացնելու է մայիսի 5-ին Ուկրաինա կատարած այցի ժամանակ: Ջենտիլոնին ընդգծել է, որ Իտալիան եվրոպական ռազմավարության համաձայն պատժամիջոցներ է սահմանել Ռուսաստանի նկատմամբ, ինչը թանկ է արժեցել նրա համար:
Մարտին Bloomberg գործակալությունը հայտնեց, որ Իտալիան այն երկրների թվում է, որոնք պատրաստ են հրաժարվել Ռուսաստանի դեմ սահմանված պատժամիջոցներից: Այդ ձգտումը կապված է նրա հետ, որ սահմանափակումները լուրջ վնաս են պատճառում Իտալիայի տնտեսությանը:
