Զաքիր Հասանովը մեկնել է Անկարա
Ադրբեջանական APA լրատվական գործակալության փոխանցմամբ՝ Ադրբեջանի պաշտպանության նախարար Զաքիր Հասանովը երեկ մեկնել է Անկարա: Այս մասին հայտնել է Ադրբեջանի ՊՆ-ի մամլո ծառայությունը:
Մայիսի 4-ին տեղի է ունենալու Թուրքիայի, Վրաստանի ու Ադրբեջանի զինված ուժերի ղեկավարների հանդիպումը, որին մասնակցելու են նաև Թուրքիայի զինված ուժերի գլխավոր շտաբի պետ, բանակի գեներալ Նեջդեթ Օզելը և Վրաստանի զինված ուժերի գլխավոր շտաբի պետ, գեներալ-մայոր Վախթանգ Կապանաձեն:
Հանդիպման նպատակը ռազմական ոլորտում եռակողմ ձևաչափով համագործակցության զարգացումն է, տարածաշրջանային անվտանգության հարցերի քննարկումը: Պլանավորված է երեք երկրների զինված ուժերի ղեկավարների կողմից արձանագրության ստորագրում:
