Ռուսաստանն ու Թուրքիան նախնական հանդիպումներ են անցկացնում ազատ առևտրի գոտու ստեղծման շուրջ
Ռուսական РИА Новости լրատվական գործակալության փոխանցմամբ՝ Թուրքիայի էկոնոմիկայի փոխնախարար Անդան Յըլդըրըմը հուսով է, որ այս տարվա ընթացքում կհստակեցվեն Ռուսաստանի ու Թուրքիայի միջև ազատ առևտրի գոտու սահմանները:
Յըլդըրըմն այդ մասին հայտարարել է Ռուս-թուրքական գործարար ֆորումի ժամանակ, որն անցկացվել է Ռուսաստանի Առևտրային-արդյունաբերական պալատում. «Ներկայումս մենք քննարկում են Ռուսաստանի ու Թուրքիայի միջև ազատ առևտրի գոտու հարցը:
Այն դեռ չունի հստակ ձևաչափ, դեռ անցկացվում են նախնական հանդիպումներ: Սակայն մենք հուսով ենք, որ այս տարվա ընթացքում կարող ենք հասնել կոնկրետ քայլերի և հստակեցնել ռուս-թուրքական առևտրային համագործակցության ազատ տնտեսական այդ գոտու սահմանները»:
