Պետք է անցում կատարել կառավարման նախագահական համակարգի. Դավութօղլու
Թուրքական Dünya Bülteni լրատվական կենտրոնի փոխանցմամբ` Թուրքիայի վարչապետ Ահմեթ Դավութօղլուն հայտարարել է, որ Թուրքիան պետք է անցում կատարի կառավարման նախագահական ձևին:
Դավութօղլուի խոսքերով` կառավարման խորհրդարանական համակարգը չի համապատասխանում Թուրքիայի շահերին: Նա ընդգծել է, որ ներկայումս գործող համակարգն անգամ չի էլ կարելի անվանել խորհրդարանական, ինչի համար էլ ճիշտ է նախագահական համակարգին անցում կատարելը:
Դավութօղլուն հերքել է շրջանառվող այն տեղեկությունները, թե տարաձայնություններ ունի նախագահ Էրդողանի հետ և որ իրենց միջև «սև կատու» է անցել: Դավութօղլուն ընդգծել է, որ իրենց միջև առկա է խորն արմատներով բարեկամություն:
