Մահապատիժը մարդուն պատժելու անթույլատրելի ձև է. Հռոմի պապ
BBC-ի փոխանցմամբ` Հռոմի պապ Ֆրանցիսկոսը հայտարարել է, որ մահապատիժը մարդուն պատժելու անթույլատրելի ձև է` անկախ նրանից, թե նա ինչպիսի հանցանք է գործել: Հռոմի պապն այդ մասին հայտարարել է Վատիկանում, ուր հանդիպել է Մահապատժի դեմ միջազգային հանձնաժողովի անդամների հետ:
Ֆրանցիսկոսն ընդգծել է, որ պատժի բարձրագույն միջոցը (մահապատիժ) ինքնին խախտում է մարդկային կյանքի անձեռնմխելիության մասին օրենքը: Ընդ որում` Ֆրանցիսկոսն ընդգծել է, որ մարդկությունը դեռ չի հնարել մարդկանց պատժելու հումանիտար եղանակ:
