Դևիդ Քեմերոնը չի պլանավորում մայիսին մեկնել Մոսկվա
Ռուսական ТАСС լրատվական գործակալության փոխանցմամբ՝ Մեծ Բրիտանիայի վարչապետ Դևիդ Քեմերոնը չի պլանավորում մեկնել Մոսկվա՝ կապված Հաղթանակի 70-ամյակին նվիրված տոնակատարություններին մասնակցելու հետ: Այս մասին այսօր հայտարարել է բրիտանական կառավարության պաշտոնական ներկայացուցիչը:
Վերջինս հայտարարել է, որ իրենք մտահոգված են Ռուսաստանի գործողություններից ու չեն կարծում, թե վարչապետը ներկա կգտնվի տոնակատարություններին: Մայիսի 7-ին Մեծ Բրիտանիայում անցկացվելու են խորհրդարանական ընտրություններ:
Քաղաքագետները կարծում են, որ ընտրությունների արդյունքներով Մեծ Բրիտանիայում կստեղծվի նոր իշխող դաշինք: Սրանից առաջ էլ հաղորդվել էր, թե մայիսի 9-ի կապակցությամբ Մոսկվա չի մեկնելու Գերմանիայի կանցլեր Անգելա Մերկելը:
