Մենք ամենաքիչ կոռումպացված կառավարություններից մեկն ենք աշխարհում. Գարիբաշվիլի
Грузия Online-ի փոխանցմամբ՝ Վրաստանի վարչապետ Իրակլի Գարիբաշվիլին հայտարարել է, որ Վրաստանի կառավարությունն աշխարհի ամենաքիչ կոռումպացված կառավարություններից մեկն է: Գարիբաշվիլին հայտարարել է, որ վերջին շրջանում գրանցվել են կոռուպցիոն մի շարք փաստեր, սակայն դրանք չեն կրել համակարգային բնույթ:
Նա ևս մեկ անգամ հիշեցրել է, որ որևէ մեկը վեր չէ օրենքից, և յուրաքանչյուր հանցանք կկանխվի անհապաղ. «Մենք հանդիսանում ենք ամենաքիչ կոռումպացված կառավարություններից մեկն աշխարհում: Մենք 11-րդ տեղում ենք, և դա նվաճում է, ինչով ես և իմ թիմը հպարտանում է:
Դա շատ կարևոր ցուցիչ է մեր երկրի, մեր կառավարության համար: Ես ցանկանում եմ, որ մենք մեծ ուշադրություն հատկացնենք դրան: Մենք անողոք ենք լինելու կոռուպցիայի հանդեպ»:
