ԱՄՆ պետդեպարտամենտը դատապարտել է Ղրիմի մասին ռուսական փաստագրական ֆիլմը
Lenta.ru-ի փոխանցմամբ՝ ԱՄՆ պետդեպարտամենտի պաշտոնական ներկայացուցիչ Ջեն Փսակին հայտարարել է, որ «Ղրիմ. Վերադարձ հայրենիք» ռուսական նոր փաստագրական ֆիլմը արտացոլում է Ուկրաինայի հանդեպ Կրեմլի մոլորեցնող մոտեցումը.
«Այն, ինչ մենք տեսանք, համաձայնեցված է մոլորեցնող մոտեցման հետ՝ կապված Ուկրաինայի արևելքի դեպքերին Ռուսաստանի մասնակցությունը հերքելու հետ»: Փսակին մանրամասնել է, որ նկատի ունի Մոսկվայի կողմից Ղրիմի զավթմանը մասնակցելու հերքումը:
Պսակին խոստովանել է, որ մանրակրկիտ տեղեկատվություն չունի ֆիլմի բովանդակության մասին: Ֆիլմի մասին «Ռոսիա 1» հեռուստաալիքը հայտարարել է մարտի 8-ին: Ֆիլմի ցուցադրությունը կարող է տեղի ունենալ մարտի 18-ին:
2014 թվականի մարտի 16-ին Ղրիմում անցկացվեց հանրաքվե, որի մասնակիցների 96 տոկոսը կողմ արտահայտվեց թերակղզին Ռուսաստանին միացնելուն: Արդեն մարտի 18-ին Ղրիմի իշխանությունները Մոսկվայի հետ ստորագրեցին համապատասխան պայմանագիր:
