Իրաքն ունի ինչպես ԱՄՆ-ի, այնպես էլ՝ Իրանի ռազմական օգնության կարիքը. ալ-Օբեյդի
Ամերիկյան Associated Press լրատվական գործակալության փոխանցմամբ՝ Իրաքի պաշտպանության նախարար Խալեդ ալ-Օբեյդին հայտարարել է, որ կառավարությունն իրեն հարմար է զգում՝ Իրանից խնդրելով ու ստանալով օգնություն՝ կապված «Իսլամական պետություն» ահաբեկչական խմբավորման դեմ պայքարի հետ:
Նախարարն ընդգծել է, որ երկիրը գտնվում է պատերազմական վիճակում՝ հավելելով, որ Իրաքը ռազմական օգնության կարիք ունի ինչպես ԱՄՆ-ի, այնպես էլ՝ Իրանի կողմից: Իրաքցի նախարարի խոսքերով՝ իրավիճակը մնում է վերահսկողության տակ:
Միևնույն ժամանակ հայտնի է դարձել, որ «Իսլամական պետության» ներկայացուցիչները կախաղան են բարձրացրել 20 մարդու: Ջիհադականների կարծիքով՝ այդ անձինք մտադիր են եղել Քիրքուքի նահանգում պատերազմել իրենց դեմ: Մահապատիժն ի կատար է ածվել Խոիժա քաղաքում: Իսլամականները հրապարակել են այն հաստատող լուսանկարներ:
