Չինաստանն աշնանը կգործարկի CIPS միջազգային վճարային համակարգը
Բրիտանական Reuters լրատվական գործակալության փոխանցմամբ՝ Չինաստանի միջազգային վճարային համակարգը (CIPS) իր աշխատանքները սկսելու է սեպտեմբեր-հոկտեմբերին: Այս մասին գործակալությանը հայտնել են նրա աղբյուրները:
Չինաստանի իշխանությունները կարծում են, որ CIPS-ի օգնությամբ հնարավոր կլինի յուանով վճարումներ իրականացնել համայն աշխարհում: Աղբյուրի խոսքերով՝ CIPS համակարգը պատրաստ է փորձարկման համար.
«Չինաստանն ընտրել է 20 բանկ՝ թեստեր անցկացնելու համար: Դրանցից 13-ը չինական են, իսկ մնացյալը՝ օտար բանկերի դուստր կառույցներ»: Չինաստանի Ժողովրդական բանկը չի մեկնաբանում այս տեղեկատվությունը:
