Պուտինը վավերացրել է քաղաքացիների մնալու կարգի մասին Հայաստանի հետ կնքված համաձայնագիրը

Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը ստորագրել է Հայաստանի հետ ստորագրված համաձայնագրի վավերացման մասին օրենքը, որը երկու երկրների քաղաքացինրին թույլ է տալիս գործընկեր երկրների տարածքներում 30 օր գտնվել առանց գրանցման:

Փաստաթուղթն այսօր հրապարակվել է իրավական տեղեկատվության պաշտոնական պորտալում: Նման մոտեցում կիրառվում է նաև Բելառուսի ու Ղազախստանի քաղաքացիների հանդեպ: Հայաստանի հետ տվյալ համաձայնագիրը ստորագրվել է 2014 թվականի հուլիսի 11-ին, Սոչիում: