Ցեղասպանության թեման՝ Ճապոնիայում կայացած համաշխարհային համաժողովում
Մարտի 3-6-ը Ճապոնիայի Ֆուկուոկա քաղաքում տեղի է ունեցել Ասիական հոգեբուժության համաշխարհային 5րդ համաժողովը, որտեղ ելույթով հանդես է եկել ԵՊԲՀ բժշկական հոգեբանության ամբիոնի վարիչ, Հայկական հոգեբուժական Ասոցիացիայի պատասխանատու քարտուղար, Ինթրա կենտրոնի գլխավոր հոգեբան Խաչատուր Գասպարյանը:
Խ. Գասպարյանի՝ «Ինչպես են երկրաշարժին առնչվող պաշտպանական մեխանիզմները թարմացնում Ցեղասպանության պատճառած հոգեբանական տրավմայի վերքերը» թեմայով դասախոսությունը արժանացել է բարձր գնահատականի աշխարհի շուրջ 40 երկրներից ժամանած հոգեկան առողջության մասնագետների շրջանում և հատկապես նոր գիտական հետազոտության հարց է առաջ քաշվել՝ արդյոք Ճապոնիայում 2011թ տեղի ունեցած երկրաշարժը ճապոնացիների շրջանում առաջացրե՞լ են Հերոսիմա և Նագասակի տրավմային առնչվող հիշողություններ:
