ԱՄՆ-ը կարող է դուրս գալ Իրանի միջուկային խնդրի վերաբերյալ բանակցություններից. Օբամա
CBS-ին տված հարցազրույցի ժամանակ ԱՄՆ նախագահ Բարաք Օբաման հայտարարել է, որ ԱՄՆ-ը կարող է դուրս գալ Իրանի միջուկային խնդրի վերաբերյալ բանակցություններից, եթե չհաջողվի ստանալ ատոմային զենք ստեղծելուց հրաժարվելու մասին երաշխիքներ.
«Համաձայանագիրը պետք է արևմտյան կառավարություններին իրավունք տա համոզվելու, որ Իրանը չի պատրաստվում ստեղծել միջուկային զենք: Իսկ եթե Իրանը խաբի, ապա ԱՄՆ-ն ու դաշնակիցները պետք է բավական ժամանակ ունենան՝ արձագանքելու համար: Եթե մենք չհասնենք նման պայմանների, ապա մենք չենք հասնի համաձայնագրին»:
Ավելի վաղ Օբաման Իրանին առաջարկել էր սեփական միջուկային ծրագիրը սառեցնել 10 տարով:
