Չինաստանում խստացվում է օնլայն առևտրի վերահսկողությունը
Ռուսական ТАСС լրատվական գործակալության փոխանցմամբ՝ Չինաստանի կառավարությունը որոշել է խստացնել ինտերնետային առևտրի կարգավորումը: Այս մասին հայտարարել է Չինաստանի Պետխորհրդին կից Արդյունաբերության ու առևտրի հարցերով պետական վարչության ղեկավար Չժան Մաոն:
Նման որոշման համար հիմք է ծառայել այն, որ օնլայն առևտրի ժամանակ ի հայտ են գալիս բազմաթիվ կեղծիքներ. «Ինտերնետային առևտրային հարթակները պետք է ստանձնեն առանցքային պարտավորություններ»: Մաոն խոստացել է նախապատրաստել տվյալ ոլորտի նոր օրինագծեր և օնլայն-խանութների բազայի ստեղծում:
Հունվարին Չինաստանում հրապարակել էին ինտերնետային առևտրային հարթակների ստուգման արդյունքները: Չինաստանում գործող խոշորագույն «Թաոբաո» օնլայն առևտրի պորտալում ապրանքների գրեթե 2/3-ը համարվել են կեղծիքներ:
