Այսօր մեկնարկում է արևային մարտկոցներով ինքնաթիռի շուրջերկրյա ճամփորդությունը
Ամերիկյան NBC News հեռուստաալիքի փոխանցմամբ՝ արևային մարտկոցներով Solar Impulse 2 («Արևային ազդակ 2») ինքնաթիռն այսօր Աբու Դաբիից սկսում է իր շուրջերկրյա ճամփորդությունը: Ակնկալվում է, որ թռչող սարքը 5 ամսում կհաղթահարի 35.000 կիլոմետր:
Ենթադրվում է, որ այն Աբու Դաբիից կուղղվի Օման, այնտեղից էլ՝ Հնդկաստան ու Չինաստան: Ապա նա կանցնի Խաղաղ օվկիանոսի վրայով, կհասնի ԱՄՆ, իսկ հետո՝ Եվրոպայի երկրներ: Այն մուտք չի գործի Ռուսաստանի օդային տիրույթ: Ճամփորդության ընթացքում սարքը կատարելու է 12 վայրէջք:
