Ադրբեջանի ՊՆ-ը հերքել է առաջնագծում կորուստներ կրելը
Ադրբեջանական APA լրատվական գործակալության փոխանցմամբ՝ Ադրբեջանի ՊՆ-ը հատուկ հայտարարություն է տարածել, որում հերքել է առաջնագծում կորուստներ կրելու մասին ԼՂՀ ՊԲ-ի տարածած տեղեկատվությունը: Ադրբեջանի ՊՆ-ն այդ տեղեկատվությունը որակել է որպես «ապատեղեկատվություն»:
Ադրբեջանի ՊՆ-ն ընդգծել է, որ իրենց հատուկ նշանակության ստորաբաժանումները «չեն գործում» առաջնագծում: Բացի այդ, Ադրբեջանի ՊՆ-ը հայտարարել է, թե առաջնագծում «վերահսկողության տակ» է օպերատիվ իրավիճակը և ԶԼՄ-ների ներկայացուցիչներին հորդորել է չտարածել հայկական կողմի արած հայտարարությունը:
