Ալի Խամենեին վիրահատության է ենթարկվել. մամուլ
Ռուսական Интерфакс լրատվական գործակալության փոխանցմամբ՝ Իրանի գերագույն ղեկավար և հոգևոր առաջնորդ, այաթոլլահ Ալի Խամենեին հոսպիտալացվել է: Նա գտնվում է բավական ծանր վիճակում: Այս մասին հայտնել են արաբական ԶԼՄ-ները:
Նրանց հաղորդմամբ՝ 76-ամյա Խամենեին վիրահատության է ենթարկվել հիվանդանոցում: Իրանում պաշտոնական աղբյուրները դեռ չեն հաստատել Խամենեիի ծանր վիճակի մասին տեղեկությունը:
Ավելի վաղ հաղորդվել էր, թե Խամենեիի մոտ ախտորոշել են շագանակագեղձի քաղցկեղ: 2014 թվականի սեպտեմբերին Խամենեիին վիրահատել են, այն անցել է հաջող:
