Օսկանյանը որոշակի «պաուզա» կվերցնի, մանդատը վայր կդնի՝ 2017-ի ընտրություններին նախապատրաստվելու համար
ԱԺ ԲՀԿ խմբակցության պատգամավոր Միքայել Մելքումյանը մեզ հետ զրույցում ասաց, որ Վարդան Օսկանյանը որոշակի պաուզա կվերցնի, մանդատը վայր կդնի, բայց կուսակցությունից դուրս գալու մասին դեռ որոշում չկա. «Վարդան Օսկանյանը պատահական որոշումներ չի ընդունում պահի տակ: Ըստ երևույթին՝ այն նպատակները, այն մեխանիզմները, որով ինքը պատկերացնում էր, որ ճանապարհ պետք է անցնի, իր պատկերացրած միջավայրը չկա: Ըստ էության՝ ինքն այս պահին պաուզա է վերցնում՝ 2017-ի ընտրություններին նախապատրաստվելու համար»:
