Կապանում փորձել են ավտոմեքենաներ առևանգել

Մարտի 3-ին, ժամը 11.55-ին, ոստիկանության Կապանի բաժին է ահազանգել 1950 թ. ծնված Յուրիկ Պ.-ն և հայտնել, որ իր «ՎԱԶ-2121» մակնիշի ավտոմեքենան Կապանի Թումանյան փողոցից առևանգել են:

Ոստիկանները պարզել, որ փախցրած ավտոմեքենան նույն փողոցում բախվել է մեկ այլ «ՎԱԶ-2121»-ի, ինչից հետո հանցանք կատարողը դիմել է փախուստի:

Ձեռնարկված օպերատիվ-հետախուզական միջոցառումների շնորհիվ պարզվել է, որ ավտոմեքենան առևանգել է 1997 թ. ծնված Դավիթ Ա.-ն, որը ժամը 15.00-ին, բերման է ենթարկվել բաժին և տվել խոստովանական բացատրություն:
Առևանգված ավտոմեքենան հայտնաբերվել է Բաղաբերդ թաղամասի թիվ 19 շենքի բակում:

Նույն օրը 1950 թ. ծնված Աշոտ Մ.-ն նույն բաժնում հաղորդում է տվել, որ ժամը 13.00-ի սահմաններում Կապանի Բաղաբերդ թաղամասի թիվ 3 շենքի բակից փախցրել են իր «ՎԱԶ-2106» մակնիշի ավտոմեքենան:

Ձեռնարկված օպերատիվ-հետախուզական միջոցառումների շնորհիվ պարզվել է, որ ավտոմեքենան առևանգել է նույն ինքը՝ Դավիթ Ա.-ն:

Առևանգված ավտոմեքենան հայտնաբերվել է Հ. Ավետիսյան փողոցի վերջնամասում:
Նախապատրաստվում են նյութեր:

ՀՀ ոստիկանություն