Մեր ռազմավարական ռմբակոծիչները հետագայում կյուրացնեն մարտական պարեկության նոր շրջաններ. Շոյգու
Ռուսական ТАСС լրատվական գործակալության փոխանցմամբ՝ ռուսական ռազմավարական ռմբակոծիչներն ապագայում կյուրացնեն մարտական պարեկության նոր շրջաններ՝ հաշվի առնելով դաշնակիցների հետ համագործակցությունը: Այս մասին այսօր հայտարարել է Ռուսաստանի պաշտպանության նախարար, բանակի գեներալ Սերգեյ Շոյգուն:
Նա հիշեցրել է, որ ռուսական ինքնաթիռները մշտապես գտնվում են երկրի պաշտպանության առաջնագծում՝ պարեկություն իրականացնելով երկրի տարբեր շրջաններում. «Անհրաժեշտ է ընդգծել, որ նման թռիչքները կրում են կանոնավոր բնույթ, և մենք մտադիր չենք հրաժարվել տվյալ պրակտիկայից:
Հետագայում պլանավորում ենք յուրացնել մարտական պարեկության նոր շրջաններ՝ հաշվի առնելով աշխարհի այլ շրջաններում մեր դաշնակիցների հետ միջազգային համագործակցությունը»:
Շոյգուն հիշեցրել է, որ փետրվարին Ту-95МС ռազմավարական ռմբակոծիչներն առաջադրանքներ են իրականացրել Բարենցի ու Նորվեգական ծովերում, ինչպես նաև Ատլանտիկայի հյուսիս-արևելյան հատվածում: Նախարարն ընդգծել է, որ դրանք օդում իրականացրել են նաև լիցքավորման աշխատանքներ:
