ԵՄ-ի Խորհուրդը երկարաձգել է Ռուսաստանի դեմ պատժամիջոցների գործունեության ժամկետը
ZN.UA-ի փոխանցմամբ՝ ԵՄ-ի անդամ երկրների արտգործնախարարները որոշել են մինչև ընթացիկ տարվա սեպտեմբեր երկարաձգել Ուկրաինայում տիրող իրավիճակի կապակցությամբ մասնավոր անձանց ու ընկերությունների դեմ սահմանած անհատական պատժամիջոցների գործունեության ժամկետը:
Այդ պատժամիջոցները սահմանվել են 2014 թվականի մարտին: Այս մասին հայտարարել է ԵՄ-ի դիվանագիտության ղեկավար Ֆեդերիկա Մողեորինին. «Մենք որոշել ենք սահմանափակիչ միջոցները երկարաձգել մինչև այս տարվա սեպտեմբեր»:
Բացի այդ, ԵՄ-ի անդամ երկրների արտգործնախարարները որոշել են Եվրահանձնաժողովին ու Եվրոպական արտաքին քաղաքական ծառայությանը հանձնարարել մեկ շաբաթվա ընթացքում պատրաստել նոր առաջարկ՝ ԵՄ-ի «սև ցուցակը» նոր անձանցով ու ընկերություններով համալրելու համար:
