«Գազպրոմի» շահույթը կրճատվել է 35%-ով
2014 թվականի առաջին 9 ամիսներին ռուսական գազային հսկայի՝ «Գազպրոմ» ընկերության զուտ շահույթը կրճատվել է 35%-ով և կազմել 556.254 միլիարդ ռուբլի։ Այս մասին նշվում է ընկերության հաշվետվությունում։
Ընկերության համախառն եկամուտը նույն ժամանակահատվածում կրճատվել է 38.5 տոկոսով, իսկ պարտքը աճել է 14%-ով և հասել 1.2 տրիլիոն ռուբլու։ Պարտքի աճը պայմանավորված է դոլարի և եվրոյի նկատմամբ ռուսական ռուբլու արժեզրկմամբ։
Գործառնական ծախսերն աճել են 16%-ով և կազմել 3 տրիլիոն ռուբլի։
