Իսպանիայում F-16 մարտական ինքնաթիռի կործանման հետևանքով զոհվել է 10 մարդ
Բրիտանական Reuters լրատվական գործակալության փոխանցմամբ՝ Լյանոսում գտնվող ՆԱՏՕ-ի բազայում (Իսպանիա) կործանվել է հունական F-16 կործանիչ, ինչի հետևանքով զոհվել է 10 մարդ: Եվս 13 մարդ վիրավորվել է: Այս մասին հայտնել է Իսպանիայի ՊՆ-ի մամլո քարտուղարը:
Միջադեպը գրանցվել է ՆԱՏՕ-ի զորավարժությունների ժամանակ: Ընկնելուց հետո ինքնաթիռում հրդեհ է բռնկվել, և դեպքի վայր են ժամանել հրշեջները: Իսպանիայի ՊՆ-ի ներկայացուցչի խոսքերով՝ ինքնաթիռն ընկել է օդանավերի կայանի վրա՝ վնասելով նրանցից մի քանիսին:
