Ռուսաստանի ու Ուկրաինայի միջև գոյություն չունի հակամարտություն. Պեսկով
Ռուսական РИА Новости լրատվական գործակալության փոխանցմամբ՝ Ռուսաստանի նախագահի մամլո քարտուղար Դմիտրի Պեսկովը շնորհակալություն է հայտնել Իսրայելին՝ Դոնբասի հակամարտության կարգավորմանն աջակցելու պատրաստակամության համար, սակայն դրա հետ մեկտեղ ընդգծել է, որ Ռուսաստանը չի հանդիսանում Ուկրաինական հակամարտության կողմ.
«Անկասկած է, որ մենք մեծապես շնորհակալ ենք մեր իսրայելցի գործընկերներին՝ հավասարակշիռ դիրքորոշման ու հակամարտության կարգավորմանն աջակցելու պատրաստակամության համար, սակայն տվյալ դեպքում անկարելի է միջնորդ հանդիսանալ Ռուսաստանի ու Ուկրաինայի միջև, որովհետև Ռուսաստանի ու Ուկրաինայի միջև գոյություն չունի հակամարտություն: Ռուսաստանը չի հանդիսանում այդ հակամարտության կողմ»:
Սրանից առաջ հաղորդվել էր, թե Իսրայելի արտգործնախարար Ավիգդոր Լիբերմանը հայտարարել էր, որ Իսրայելը պատրաստ է միջնորդերի դերում հանդես գալ Ռուսաստանի ու Ուկրաինայի միջև՝ երկու երկրների հարաբերությունները կարգավորելու համար:
