Մեծ Բրիտանիայում բոլոր ոստիկանները զգուշացվել են հնարավոր ահաբեկչությունների մասին
Բրիտանական The Guardian թերթի փոխանցմամբ` բրիտանական ոստիկանությունը բերվել է բարձր մակարդակի պատրաստության վիճակի, ինչը տեղի է ունեցել Բելգիայում իրականացված հակաաահեբկչական գործողությունից հետո, որի արդյունքում ոչնչացվել է երկու զինյալ:
Մեծ Բրիտանիայում հայտարարվել է ահաբեկչություն իրականացնելու վտանգի 5 մակարդակներից 4-րդ մակարդակ, որն առնչվել է ոստիկաններին ու հրեական համայնքներում պարեկություն կատարողներին: Մեծ Բրիտանիայի ողջ տարածքում ոստիկանության աշխատակիցները զգուշացվել են հնարավոր սպառնալիքի մասին:
