Միջսիրիական բանակցությունները Մոսկվայում անցկացվելու են հունվարի 26-29-ին
Ռուսական РИА Новости լրատվական գործակալության փոխանցմամբ՝ միջսիրիական բանակցությունները Մոսկվայում անցկացվելու են հունվարի 26-29-ին: Այս մասին հայտարարել է Ռուսաստանի փոխարտգործնախարար Միխայիլ Բոգդանովը.
«Հուվարի 26-ին կժամանեն պատվիրակությունները, հունվարի 27-ին տեղի կունենան սիրիացի ընդդիմադիրների միջև շփումները, իսկ հունվարի 28-ին էլ տեղի կունենան սիրիական կառավարության ու ընդդիմադիրների միջև շփումները: Հունվարի 29-ին էլ կավարտվեն բոլոր շփումներն ու պատվիրակությունները կմեկնեն Մոսկվայից: Մենք սպասում ենք»:
Նախորդ տարվա դեկտեմբերի սկզբին Բոգդանովը հայտարարել էր, որ Ռուսաստանը պատրաստ է տրամադրել մոսկովյան հարթակը, որպեսզի Սիրիական հակամարտության կողմերը կարողանան քննարկել բանակցությունների երկրորդ փուլի ձևաչափի: Բոգդանովը ենթադրել էր, որ հանդիպումը Մոսկվայում տեղի կունենա մինչև հունվարի վերջ:
